Chofüngeyngün pu Mapuche? / ¿Son flojos los Mapuche?

Fante pu mew chofüche ta pu Mapuche pingeiñ, welu rüf ngefel tüfachi zungu? Pu kuyfike tukulpazungukelu ta feypieñmew, fey kom pu che chillkatulu ta femngechi piletuyngün, welu chumngelu am ta feypieñmew?. Fewla llitulu ti estao chileno, fey ñi pepi ngülümalu filllem fey ñi pepi zuam witrapüramtuafiel tüfachi chile mapu, fey ngünezuamingün pu Mapuche nielu alhüken mapu, welu newe küzawkenufiluengün, fey re niengün ta Mapu, chofü chengeiñ piengün fey muntuñma mapungeiñ.

En la actualidad nos dicen que somos flojos, pero ¿realmente es así?
Los historiadores nos llamaron así, y quienes estudian también lo hacen, pero ¿por qué nos llamaron así? Cuando recién comenzaba Chile como país requería de recurso para poder levantarlo, por lo cual se dieron cuenta que los Mapuche teníamos mucha tierra, que no siempre lo trabajábamos, entonces nos dijeron que teníamos tierras por tener, fue así como se nos despojó de ella.

Welu pu Mapuche echatu nentukelafuy itro fill mongen mew, re ñi zuamlechi müten, zuamkenulu iñchiñ ngülümpülatael.
Mapuche kimkelafuiñ feytichi ürküntun antü, feyti zominko antü, kimkenulu iñchiñ feyti semana zungu. Mapuche ta alhü pürapachi antü kuzulekelay, lelfün mew rume zuam niekelu che tati, nielu kulliñ iñchiñ tati, achawall, tukukan ñi pukintungeam, ka niekelaiñ feyti “vacaciones” zungu, welu pu wingka tukulpay kom feyti zungu, ürkütun antü, feriao, vacaciones ka alhü pürapachi antü kuzulekeyngün, kiñeke kay kom antü femkeyngün, nielu zuam waria mew tati.

Pero el Mapuche no solía sacar recursos naturales de forma desmedida, solamente lo que necesitaba ya que como Mapuche no necesitábamos acumular riqueza.
Como Mapuche no conocíamos los días de descanso, días domingo ya que no conocíamos el concepto semana. El Mapuche no pasaba acostado a altas horas del día, ya que en el campo hay muchos quehaceres, a que tenemos animales, gallinas, siembras que atender, además no conocíamos vacaciones. Pero el wingka trajo todo eso, días de descanso, feriados, vacaciones, además suelen pasar acostado altas horas del día, algunos incluso todo el día, como no tienen mucho que hacer en la ciudad.

Taiñ füchake che feypikey ñi ngülam engün.

Wentru mew, chofüngekelayaymi, küzawkeaymi, kellukeaymi femngechi azumnerpuaymi fillke küzaw, külfunchengekeaymi pu liwentu witrakeaymi, kellufechengekeaymi, ketramapukeaymi, chem küzaw mew konkeaymi. Küzawfechengelmi chew rume miyawlimi falilngeaymi, pu zomo ayüaymu, tüfa may falin wentru piaymu tati. Kellukeaymi ruka mew, alhün zuam mülekelu tati, iratumamüll, kuizankulliñ mew, ketran mapu, tukukan mew.
Zomo mew; külfünzomo ngekeaymi, kelluchekeaymi ruka mew, kimayaymi ngürekan, tukukankeaymi, kellukeaymi tami ñuke fill zuam ruka mew, kim iyaeltukeaymi femengechi chew püle falilngeaymi tati, chem ruka mew puwülimi, falilngeaymi tati.

Consejos de nuestro mayores.

En los hombres: no debes ser una persona floja, debes trabajar, ayudar así aprenderás distintos trabajos, debes ser una persona alentada, tempranito debes levantarte, debes ser solidario, cultivar la tierra, en cualquier trabajo debes entrar. Si eres una persona trabajadora donde seas que andes, serás valorado, a las mujeres le gustarás, este sí es un hombre valioso dirán.
En las mujeres: debes ser alentada, debes ayudar en los quehaceres de la casa, aprender a tejer, cultivar hortaliza, ayudar a tu madre en los quehaceres, debes saber cocinar, así en cualquier parte serás valorada, en cualquier casa que llegues te valorarán. Los Mapuche no suelen estar ocioso. (Se debe entender según el contexto)

Püzümfinge tüfachi zungu...Share on FacebookShare on Google+Tweet about this on TwitterPin on PinterestPrint this page

Küpa nütramkaymi? Wirintukufinge tüfa mew.

Su dirección de correo no se hará público. Los campos requeridos están marcados *